Qazaqstandyq juldyzdar áleýmettik jelide jańa fleshmob bastady

NUR-SULTAN. QazAqparat - Otandyq shoý-bıznes ókilderi men tanymal sportshylar Armııa halyqaralyq oıyndaryna atsalysqan qazaqstandyq áskerılerdi qoldaý maqsatynda áleýmettik jelide beıneúndeý jarııalady. Bul jóninde Qorǵanys mınıstrliginiń baspasóz qyzmeti habarlady.

Qazaqstandyq áskerılerge tanymal ánshiler Nurlan Abdýllın, Erlan Kókeev, Qaırat Baekenov, Juldyz Ýálıhan, shoýmen Nurdáýlet Shertim, akter Aıan Ótepbergen, shyǵarmashylyq dýet Quralaı men Mıras, olımpıada chempıondary Olga Rypakova jáne Baqtııar Artaev beıneúndeý joldady.

«Qaıyrly kún! Bıyl Armııa halyqaralyq áskerı oıyndaryna 34 memleket qatysyp jatyr eken. Qazaqtyń aıbyndy jigitteri – Qarýly Kúshteriniń jigitterine sáttilik tilegim keledi. Kók baıraǵymyzdy jelbirete berińizder!», - dedi óziniń Instagram paraqshasynda telejúrgizýshi Láılá Sultanqyzy.

Armııa halyqaralyq oıyndary 3 tamyzda bastalady. Qazaqstan armııasy 8 memlekettiń aýmaǵyndaǵy 16 baıqaýǵa qatysady. Komandalar qazir aldaǵy jarysqa daıyndalýda.

Oıyndar tarıhynda elimiz qatysýshy elderdiń kóshbasshylar úshtigine enip úlgerdi. Bıyl ArMI-2019 aýqymdy is-sharasyna 30-dan asa elden 6 myńnan asa áskerı qyzmetshi qatysady.