Qazaqstandyq júk kóligi Reseı trassasynda apatqa ushyrady

ChELıABІ OBLYSY. QazAqparat - Reseıdiń Chelıabi oblysynda qazaqstandyq júk kóligi apatqa ushyrady, dep habarlaıdy QazAqparat óńirdiń memlekettik kólik ınspektsııasyna silteme jasap.

Memlekettik avtoınspektsııa Chelıabi-Troıtsk avtojolynda tórt kóliktiń qatysýymen bolǵan jol-kólik oqıǵasynyń mán-jaıyn anyqtap jatyr.

Keshe, 30 naýryz saǵat 17.30 shamasynda Chelıabi-Troıtsk avtojolynyń 143-shaqyrymynda «KAMAZ» avtokóliginiń júrgizýshisi toqtap turǵan «Gazel» kóligine soqtyǵysqan.

Sodan keıin «Gazel» qarsy qozǵalysqa arnalǵan jolaqqa shyǵyp, «Hovo» kóligine soǵyldy, al «KAMAZ» jartylaı tirkemesi bar «Mersedes» kóligin baryp soqty.

Jol apaty saldarynan «Gazel» júrgizýshisi jaraqat alyp, aýrýhanaǵa jetkizildi.

Oqıǵa ornynda jol polıtsııasynyń 3 ekıpajy jumys istep jatyr. Keri qozǵalys uıymdastyryldy.