Qazaqstandyq JOO-lar telekópir arqyly jemqorlyq máselelerin talqylady
ASTANA. QazAqparat - QR Memlekettik qyzmet isteri jáne sybaılas jemqorlyqqa qarsy is-qımyl agenttigi joǵary oqý oryndarymen birlesip akademııalyq adaldyq jáne akademııalyq sybaılas jemqorlyqqa tózbeýshilik qaǵıdalaryna beıimdelýge arnalǵan aýqymdy aktsııa ótkizdi.
Іs-shara QazGZÝ bazasynda Astana jáne Almaty qalalaryndaǵy jáne elimizdiń barlyq aımaǵyndaǵy 50-den astam oqý orny qatysqan, sybaılas jemqorlyqqa qarsy telekópir úligisinde ótkizildi.
Telekópirdiń barysynda QR Memlekettik qyzmet isteri jáne sybaılas jemqorlyqqa qarsy is-qımyl agenttigi tóraǵasynyń orynbasary Alık Shpekbaev, birqatar mınıstrlikter men «Nur Otan» partııasynyń ókilderi, Joǵary oqý oryndary qaýymdastyǵynyń prezıdenti Rahman Alshanov baıandama jasady.
Akademııalyq jemqorlyqty joıý qozǵalysynyń bastamashylary - joǵary oqý oryndarynyń basshylary negizgi baıandamashylar boldy. Olardyń qatarynda QazGZÝ rektory Talǵat Nárikbaev, Nazarbaev Ýnıversıtetiniń vıtse-provosty Loretta O'Donnell, Qazaqstan Respýblıkasynyń Prezıdenti janyndaǵy Memlekettik basqarý akademııasynyń rektory Fatıma Jaqypova, Narhoz ýnıversıtetiniń rektory Kshıshtof Rybınskı bar.
Joǵary oqý oryndarynyń basshylarymen akademııalyq adaldyq, parasattylyq jáne ashyqtyq qaǵıdalaryn engizý jolymen jemqorlyqty joıýdyń utymdy mysaldary keltirildi.
Búgingi tańda halyqaralyq akademııalyq standarttardy utymdy júzege asyrýda úlgi bolyp kele jatqan Nazarbaev Ýnıversıtetiniń tájirıbesi úlken mánge ıe.
Telekópirdiń qorytyndysy boıynsha Qazaq gýmmanıtarlyq zań ýnıversıtetiniń stýdentteri sybaılas jemqorlyqqa qarsy fleshmob ótkizdi. Olar barlyq stýdent jastardy óleń shýmaqtarymen progressıvti, ádil jáne básekege qabiletti bolýǵa shaqyrdy jáne sybaılas jemqorlyqqa qarsy estafetany Eýrazııa ulttyq ýnıversıtetine jáne NARHOZ ýnıvesrıtetine tapsyrdy.
Jyl sońyna deıin sybaılas jemqorlyqqa qarsy estafeta barlyq joǵary oqý ornyn qamtıdy dep kútilýde.
