Qazaqstandyq JOO-lar «Quacquarelli Symonds» agenttiginiń sharalaryna qatysady
«Sheteldik seriktes joǵary oqý oryndarymen baılanystar belsendi damýda. Akademııalyq utqyrlyq, oqytýshylardyń biliktiligin arttyrý, bilim baǵdarlamalary men ǵylymı zertteýlerdi birge júzege asyrý aıasynda yntymaqtastyq týraly joǵary oqý oryndarymen jańa ýaǵdalastyqtarǵa qol jetkizildi. Bizdiń ýnıversıtetter pozıtsııasynyń mańyzdy ındıkatorlarynyń biri - bul olardyń álemdik reıtıngterde oryn alýy. Osyǵan oraı keńes otyrystarynda ǵylymı ındıkatorlardy ólsheý jáne jaqsartýǵa, JOO-larymyzdyń álemdik bilim keńistigindegi tanymaldyǵyn arttyrýǵa qatysty máseleler qarastyryldy. Talqylaý qorytyndysynda halyqaralyq bilim berý landshafta akademııalyq bedeldi arttyrý, JOO-lardyń QS sharalaryna («Quacquarelli Symonds» - brıtandyq konsaltıngtik kompanııanyń nusqasyna saı álemniń úzdik ýnıversıtetteriniń reıtıngi) jáne basqa da agentikterdiń sharalaryna qatystý týraly sheshim qabyldandy«, - dedi Erlan Sydyqov.
Onyń atap ótýinshe, qazanda Qazaqstannyń birqatar joǵary oqý ornynyń ókilderi Eýrazııa ulttyq ýnıversıteti, Lıtva ýnıversıteti jáne QS uıymdastyrǵan halyqaralyq sammıtke qatysqan.
EUÝ rektorynyń aıtýynsha, JOO-lardyń akademııalyq jáne basqarýshylyq derbestigin keńeıtý týraly týraly zańnyń qabyldanýyna baılanysty Rektorlar keńesi bilim berýprotsesin jaqsartýǵa baǵyttalǵan belgili bir jalpy ádister boıynsha kóptegen usynys ázirlegen. Sonymen qatar keńes kúsheleri «Pedagog mártebesi týraly» zań jobasyn talqylaýǵa tikeleı qatysqan. Keńes kásipkerlik jónindegi modýlderdiń birilim berý baǵdarlamalaryn arttyrý, ǵylymı jobalardy kommertsııalandyrý, JOO-lardyń ınnovatsııalyq konkýrstar men jobalarda belsendiligin kóterý týraly sheshim qabyldaǵan.
Aıta keteıik, Rektorlar keńesi osydan 4 jyl buryn Bilim jáne ǵylym mınıstrliginiń jáne jetekshi JOO rektorlarynyń bastamasymen quryldy. Búginde keńes quramyna 49 JOO rektory kiredi.
