Qazaqstandyq jolaýshylar mingen avtobýs jol apatyna ushyrady
ASTANA. 18 shilde. QazAqparat - Reseıdiń Novosibir oblysy boıynsha tótenshe jaǵdaılar vedomstvosynan habarlaǵandaı, 17 shilde kúni túngi saǵat 00.59-da (Astana ýaqyty boıynsha) Novosibir qalasynan Tomskige bara jatqan joldyń 80-shaqyrymynda «Avıa» jolaýshylar avtobýsy apatqa ushyrady.
«KamAZ» kóligimen soǵysyp qalǵan avtobýs aýdarylyp ketip, órtke orandy, dep habarlady QR Tótenshe jaǵdaılar mınıstrliginiń baspasóz qyzmetinen.
«Avıa» avtobýsy 16 shilde kúni saǵat 10.15-te Semeı qalasyndaǵy halyqaralyq avtovokzaldan «Semeı-Novosibir-Tomsk» baǵyty boıynsha jolǵa shyqqan bolatyn. Avtobýs salonynda 32 jolaýshy: 27 eresek, 3 bala jáne 2 júrgizýshi bolǵan. Olardyń segizi - Qazaqstan azamattary - 7-eýi eresek adamdar, 1-eýi bala.
Jol-kólik oqıǵasynyń saldarynan 5 jolaýshynyń, 3 eresek adamnyń jáne 2 balanyń qaza bolǵany habarlanýda. Olardyń azamattyqtary qazir anyqtalýda. Sondaı-aq 18 jolaýshy jaraqat alǵan. Olar qazir aýrýhanada.
