Qazaqstandyq jol: Táýelsizdiktiń 30 jyldyǵyna arnalǵan kórmeler serııasy bastaldy
«Qazaqstandyq jol» jobasynyń negizgi ıdeıasy – Qazaqstan Táýelsizdiginiń 30 jyldyq kezeńindegi aımaqtardyń damýyna panoramalyq sholý. 2021 jyldyń sońyna deıin elordadaǵy QR Prezıdentiniń birinshi rezıdentsııasyndaı tarıhı ǵımaratta elimizdiń barlyq aımaqtaryna arnalǵan is-sharalar ótedi.
«Arman qalasy» kórmesi qala ákimdigimen, Nur-Sultan qalasy memlekettik arhıvi men QR ulttyq arhıvimen, «Astanagenplan» ǴZJI JShS men «KazExpoCongress» AQ-men seriktestikte uıymdastyryldy. Kórme – Elbasy jeke arhıviniń, Elbasy kitaphanasy mýzeıi men kitap qorynyń materıaldary negizinde astananyń qalyptasýy men damý tarıhyn keshendi zertteýdiń nátıjesi.
«Nur-Sultan qalasy ákiminiń atynan sizderdi «Arman Qala» kórmesiniń ashylýymen quttyqtaýǵa ruqsat etińizder. El astanasy – altyn besik, ár memlekettiń júregi. Búgin kórmeniń ashylýyna elimizdiń belgili qaıratkerleri, qurmetti azamattary qatysady. Kórme óte qyzyqty jáne mazmundy etip jasalǵan. Eksponattar elimizdiń tarıhy men bolashaǵyn beıneleıdi», - dep atap ótti elorda ákiminiń orynbasary Ermek Qızatov.
Elbasy kitaphanasynyń dırektory Baqytjan Temirbolattyń aıtýynsha, jyl sońyna deıin Tuńǵysh Prezıdent Mýzeıinde barlyq 17 óńirdiń taqyryptyq kórmeler serııasy uıymdastyrylady.
«Biz Táýelsizdiktiń 30 jyldyǵyna arnalǵan «Qazaqstan joly» respýblıkalyq kórme jobasyn iske qosamyz. Elorda kúni qarsańynda bastalatyn aýqymdy ekspozıtsııa Elbasynyń basty saıası jobasy – Nur-Sultan qalasy týraly baıandaıdy. 2019 jyly 23 naýryzda Astana ataýy Nur-Sultan bolyp ózgertildi. Nur-Sultan qalasy – Qazaqstan jetistikteriniń jarqyn beınesi. Tuńǵysh Prezıdenttiń el astanasyn kóshirý týraly sheshimi halyq úshin úlken tarıhı mańyzǵa ıe. Osylaısha Eýrazııanyń ortalyǵynda iri ekonomıkalyq jáne saıası, mádenı jáne bilim berý ortalyǵy paıda boldy», - deıdi Baqytjan Temirbolat.
«Arman Qala» kórmesi eki bólimnen turady: «Nur-Sultan – Táýelsiz Qazaqstannyń jańa astanasy» bóliminde jańa astanany salý boıynsha QR Tuńǵysh Prezıdenti – Elbasy N.Á. Nazarbaevtyń bastamalary men ıdeıalary týraly materıaldar usynylǵan. Arhıvtik qujattar men fotomaterıaldar negizinde kórermender álemdik qaýymdastyq úshin elimizdiń áleýmettik-ekonomıkalyq jáne saıası jaǵdaıynyń ındıkatory bolǵan jańa astananyń qalyptasý tarıhymen, qazaqstandyq damý jolynyń biregeı beınesimen tanysýǵa múmkindik alady.
Al «Nur-Sultan – dıplomatııa jáne bitimgershilik ortalyǵy» bólimi Nur-Sultan qalasynda ótken, jas astananyń jáne tutastaı memlekettiń halyqaralyq mártebesin nyǵaıtýǵa yqpal etken, jahandyq aýqymdaǵy mańyzdy oqıǵalar týraly materıaldar keshenimen tanystyrady.
«Arman qala» kórmesi 8 tamyzǵa deıin jalǵasady. «Qazaqstandyq jol» jobasynyń qorytyndy kórmesi Táýelsizdik besigi – Almaty qalasyna arnalmaq. Shara Qazaqstannyń Táýelsizdik kúni qarsańyna josparlanǵan.
2021 jyldyń shildesinen jeltoqsanyna deıin elorda turǵyndary men qonaqtary 1991 jyldan bastap Qazaqstan Respýblıkasynyń barlyq óńirinde oryn alǵan ózgerister prızmasy arqyly Táýelsizdik tarıhyn kóre alady.
