Qazaqstandyq joǵary oqý oryndarynda jemqorlyq bar-joǵy tekserildi
Partııanyń jastar qanaty nebári tórt kúnniń ishinde, ıaǵnı 28-31 naýryz aralyǵynda belsendiler 64 joǵary oqý ornyn aralap, Qazaqstan boıynsha 20 myń stýdentten suhbat alǵanyn habarlady.
«Aktsııanyń basty sharty – adaldyq pen qupııalylyq. Sondyqtan barlyq múddeli taraptardy qatysýǵa shaqyramyn. Birlesip qana ýnıversıtetterdegi sybaılas jemqorlyqty joıyp, ulttyq tárbıeniń deńgeıin kóterýge úles qosa alamyz», - dedi aktsııa bastalǵan kúni jastar qanatynyń tóraǵasy Nurjan Jetpisbaev.
Belsendiler joǵary oqý oryndarynyń sany budan da kóp ekenin, biraq TAZA SESSIYA-ǵa qatysýǵa bári birdeı kelmeıtinin aıtady.
Saýalnamaǵa táýelsiz baqylaýshylar, sonyń ishinde halyqaralyq grossmeıster Jansaıa Ábdimálik, bloger Almas Saǵynuly jáne ekstremaldy sportshy Sáken Qaǵarov, basqa da qoǵam qaıratkerleri, sondaı-aq jergilikti atqarýshy organdardyń janyndaǵy «Adaldyq alańy» jobalyq keńseleriniń ókilderi qatysty.
«AMANAT» partııasynyń jastar qanatyndaǵy aktsııanyń sońǵy qorytyndysy aǵymdaǵy jyldyń sáýir aıynyń sońynda jarııalanady dep josparlanýda.
Esterińizge sala keteıik, «TAZA SESSIYA» aktsııasy 8 jyldan beri ótkizilip keledi. Máselen, 2020 jyldyń qorytyndysy boıynsha respondentterdiń 12,5%-y óz ýnıversıtetinde sybaılas jemqorlyq faktileri bar ekenin aıtty, bul bir jyl burynǵydan 0,3%-ǵa az.
2020 jyly saýalnamaǵa 20710 adam qatysty, onyń 63,3%-y 2 kýrs jáne odan joǵary (46,5%-y áıelder, 53,4%-y erler) stýdentteri. Emtıhandar men synaqtardy tapsyrý kezinde sybaılas jemqorlyq faktileri jıi kezdesedi, muny aktsııaǵa qatysýshylardyń 23,8%-y aıtty. Bul rette «ortasha para» áshkerelenip, 400 myń teńgege stýdentterge aqyly oqý túrinen bıýdjettik oqý túrine aýysý, 260 myń teńgege áskerı kafedraǵa túsý, «óte jaqsy» degen dıplomdyq jumysty qorǵaý usynyldy. « – 150 myń, al sessııany «avtomatty túrde» ótý úshin – 22 myń teńge. Ótken jyly JOO-lardyń qashyqtyqtan oqytýǵa kóshýine baılanysty aktsııa ótkizilmedi.
