Qazaqstandyq jigitter jaǵajaı voleıbolynan Taılandtaǵy Azııalyq týrdyń qola júldegeri atandy
ALMATY. 18 sáýir. QazAqparat /Erlik Erjanuly/ - Qazaqstandyq jigitter ótken senbi kúni jaǵajaı voleıbolynan Taılandtyń Sronghla qalasynda ótken Azııalyq týrdyń qola júldegeri atandy.
Qola júlde úshin ótken aqtyq synda qazaqstandyq Dmıtrıı ıAkovlev pen Alekseı Kýleshov juby avstralııalyq Oýen Boland pen Damıen Shýmanndy (Owen Boland-Damien Schumann) 2:0 esebimen utty.
Al ırandyqtardy dál osyndaı eseppen utqan jańazelandııalyqtar týrnır jeńimpazy atandy.
Júlde qory 30 myń AQSh dollaryn quraıtyn bul dúbirli doda 10 sáýir kúni óz jalaýyn kótergen bolatyn. Oǵan 13 elden erler arasynda - 24, áıelder arasynda - 22 jup qatysty. Byltyr bul baıraqty básekede áıelder arasynda Tatıana Mashkova men Irına Tsımbalova qola júldeger atanǵan edi. Bıyl olar komandalas serikteri Baqtygúl Samalıkova men Marına Pılıpenko jubymen birge ekinshi kezeńnen óte almady. Al shırek fınalǵa deıin jetken Aleksandr Dıachenko men Alekseı Sıdorenko besinshi orynǵa taban tiredi.
Endi olar 19-24 sáýir kúnderi Indonezııada ótetin 2-Azııalyq týrdyń Batam Oýpen kezeńinde baq synaıdy. Qazaqstandyq 4 jup bul dúbirli dodaǵa qatysý úshin Indonezııaǵa keshe attanyp ketti.
