Qazaqstandyq jigitter sý dobynan Japonııada ótip jatqan Azııa chempıonatyn sátti bastady
ALMATY. 23 qańtar. QazAqparat /Erlik Erjanuly/ - Keshe Japonııanyń Tokıo qalasynda sý dobynan ótip jatqan Azııa chempıonatynyń erler arasyndaǵy syny bastaldy.
Onda qazaqstandyq jigitter qytaılyq qarsylastarynan 8:7 esebimen basym tústi. Olar búgin endi Japonııa, al erteń Kýveıt quramasymen saıysqa túsedi.
Al 24 qańtarda bastalǵan áıelder arasyndaǵy jarysta Qazaqstan sportshylary qytaılyqtarǵa 8:21 esebimen ese jibergen edi. Alan Balfanbaev jattyqtyratyn ulttyq qurama keshe Japonııa sý doby sheberlerimen bolǵan ekinshi kezdesýde 12:5 esebimen basym tústi. Bulbásekede 1-oryn alǵan komandalar Londonda ótetin Olımpıada oıyndarynyń joldamasyna ıe bolmaq. Al 2-3 oryn alǵandar áıelder komandalary arasynda 15-22 sáýirde Kanadanyń Trıest qalasynda, al erler komandalary 1-8 sáýirde Kanadanyń Edmonton qalasynda ótetin FINA-nyń dárejelik týrnırlerine qatysady.
