Qazaqstandyq jeńil atletterge 11 mln teńge syıaqy taǵaıyndaldy
ASTANA. QazAqparat - Qazaqstandyq jeńil atletter qysqy maýsymdaǵy respýblıkalyq jarystarda joǵary nátıje kórsetkeni úshin 11 mıllıon teńgeden astam syıaqy aldy, dep habarlaıdy "SPORTINFORM" SAA QR Jeńil atletıka federatsııasynyń saıtyna silteme jasap.
Eń joǵary syıaqyǵa Kýbok pen chempıonat fınalynyń júldegerleri ıe boldy. Birinshi orynǵa - 300 myń teńge, ekinshi orynǵa 200 myń teńge, úshinshi orynǵa - 100 myń teńge berildi. Kýboktyń bastapqy kezeńderinde syıaqy mólsheri sáıkesinshe 30 000, 20 000, 10 000 teńgeni qurady.
Kýboktyń I kezeńinde - 21, II kezeńinde - 16, al III kezeńde (fınal) 17 sportshyǵa syıaqy tólendi. 22 jeńil atlet Qazaqstan chempıonaty úshin syıaqy aldy. Taǵaıyndalǵan syıaqylardyń jalpy mólsheri 11 080 000 teńge boldy. Onyń ishinde 5 600 000 teńgeni qazaqstandyq jeńil atletter Qazaqstan chempıonatynda, al 4,5 mıllıon teńgeni Kýboktyń fınalynda ıelendi.
Jeńil atletterge berilgen eń joǵary syıaqy - 1 mıllıon teńge, ıaǵnı 3 myń dollar boldy. Birshama atletter 2 myń dollar kóleminde syıaqy aldy. Bıyl jasalǵan dopıng-synamalardyń nátıjesi belgili bolǵannan keıin Qazaqstannyń jeńil atletıka federatsııasy respýblıkalyq oıyndarda joǵary nátıje kórsetken sportshylarǵa 11 mıllıon 80 myń teńge syıaqy taǵaıyndady.
