Qazaqstandyq jeńil atletter Taılandta úshinshi «altyn» jeńip aldy
NUR-SULTAN. QazAqparat - Qazaqstandyq jeńil atlet Polına Ivanova «Thailand Open Track & Field 2019» halyqaralyq týrnırinde altynnan alqa taqty, dep habarlaıdy QazAqparat Olympic.kz saıtyna silteme jasap.
Polına syryqpen sekirýden 18 jasqa deıingi sportshylar arasynda baq synady. Ol 3,70 metrdi baǵyndyryp, jarys jeńimpazy atandy.
Aıta keıik, buǵan deıin Marııa Ovchınnıkova (úsh qarǵyp sekirý) men Elızaveta Matveeva (bıiktikke sekirý) atalǵan týrnırde altyn medal ıelengen bolatyn.
Bangkok astanasynda 18 mamyr kúni bastalǵan «hailand Open Track & Field 2019» týrnıri 21 mamyrǵa deıin jalǵasady. Ashyq chempıonatqa 17 memleket pen 4 kásibı klýb qatysýda. El namysyn qorǵaýǵa attanǵan jeńil atletter: Ivan Ivanov (ıadro laqtyrý, 21 mamyr), Marııa Ovchınnıkova (úsh qarǵyp sekirý, 19 mamyr), Elızaveta Matveeva (bıiktikke sekirý, 19 mamyr), Polına Ivanova (syryqpen sekirý, 20 mamyr) Sportshylar jeńil atletıkanyń 22 túrinen synǵa túsedi.
