Qazaqstandyq jeńil atletter Azııa chempıonatynda úsh altyn enshiledi
NUR-SULTAN. QazAqparat – Qazaqstan ókilderi jeńil atletıkadan 20 jáne 18 jasqa deıingiler arasynda Ashyq Azııa chempıonatyna qatysty, dep habarlaıdy QazAqparat Sports.kz-ke silteme jasap.
«Qyrkúıektiń sońǵy kúnderi (29-30.09. 2021) Tashkent qalasynda (Ózbekstan) jeńil atletıkadan 20 jáne 18 jasqa deıingiler arasynda III Ashyq Azııa chempıonaty ótýde. Qazaqstan Respýblıkasynyń ulttyq quramasy sapynda «Altaı-Atletıks» klýbynyń jas sportshylary óner kórsetip, jarystyń alǵashqy kúninde birden úsh «altyn» medal oljalady.
Olar: Rypakova Anastasııa — 5.90 (uzyndyqqa sekirý), Bromat Valerııa — 12.32 (100 m) jáne Efım Tarasov — 49.04 (400 m), sondaı-aq Anastasııa jáne Valerııa QR quramasy sapynda 100 m-den 4 estafetany jeńip aldy. Bizdiń sportshylardy quttyqtaımyz!» - dep habarlady «Altaı Atletıks» klýbynyń baspasóz qyzmeti.
