Qazaqstandyq jeńil atlet jaraqatyna baılanysty álem chempıonatyna qatysa almaıtyn boldy
ASTANA. QazAqparat - 4-13 tamyz aralyǵynda London qalasynda ótetin jeńil atletıkadan álem chempıonatyna baratyn bir sportshymyz jaraqatyna baılanysty qatyspaıtyn boldy, dep habarlaıdy QazAqparat tilshisi.
Ol - marafonshy Irına Smolnıkova. Bul týraly QR Jeńil atletıka federatsııasynyń sporttyq dırektory Aleksandr Koşeev málim etti.
Smolnıkova Shyǵys Qazaqstan oblysynyń týmasy. Ol sońǵy jyldary turaqty túrde 42 shaqyrym 195 metrdi quraıtyn marafonǵa júgirip keledi. Sportshy ótken jyldyń 23 qazanynda Venetsııada ótken halyqaralyq marafonda tórtinshi bolyp kelgen. Máskeýdegi dástúrli halyqaralyq marafonnyń 2013 jáne 2014 jylǵy jeńimpazy.
Esterińizge sala keteıik , osyǵan deıin álem chempıonatyna Qazaqstannan 9 atlet joldama alǵanyn habarlaǵan bolatynbyz. Onyń tórteýi sporttyq júristen qatysady. Atap aıtsaq, Georgıı Sheıko, Polına Repına, Regına Rykova jáne Dıana Aıdosova. Eki sportshy marafonnan barady (Irına Smolnıkova men Elena Nanazıashvılı). Sondaı-aq úsh qarǵyp sekirýden Olımpıada chempıony Olga Rypakova men Azııa chempıony Marııa Ovchınnıkova bar. Sprınterlerden Vıktorııa Zıabkına óner kórsetedi.
