Qazaqstandyq jeńil atlet Olga Rypakova «Gaýhar lıgasynyń» reıtıngisinde birinshi orynda
ASTANA. 24 tamyz. QazAqparat - Qazaqstandyq jeńil atlet Olga Rypakova Lozannada ótken «Gaýhar lıgasynyń» 11-shi kezeńinde úsh qarǵyp sekirýden jeńimpaz atandy, dep habarlaıdy www.Vesti.kz.
London Olımpıadasynyń chempıony birinshi múmkindigin paıdalanbady, alaıda ekinshisinde 14,45 metrge sekirip birinshi boldy. Úshinshi sekirý odan da tabysty boldy - O.Rypakova 14.68 metrge ushty. Tórtinshi múmkindikte 27 jasar qazaqstandyq sportshy 14,56 metrge sekirdi, qalǵan ekeýin paıdalanbady.
Qorytyndysynda onyń qarsylastarynyń eshqaısysy 14,45 metrge de sekire almady. Bul nátıjege ýkraınalyq Olga Saladýha jaqyn boldy, 14,42 metrge sekirgen ol ekinshi atandy. Úshinshi oryn 14,39 metrge sekirgen reseılik Tatıana Lebedevanyń enshisinde.
«Gaýhar lıgasynyń» 11-shi kezeńiniń jeńimpazy jarys reıtıngisinde birinshi orynnan kórinetinin atap óteıik.
Esterińizge sala keteıik, O.Rypakova 2012 jylǵy Olımpıada oıyndarynda 14,98 metrge sekirip chempıon atandy.
