Qazaqstandyq jeńil atlet Fılıppov Ýnıversıada altynyn oljalady
ASTANA. QazAqparat - Qazaqstandyq jeńil atlet Nıkıta Fılıppov Kvandjýda (Ońtústik Koreıa) ótip jatqan Ýnıversıadada syryqpen sekirý synynda top jaryp, altyn medalge ıe boldy, - dep habarlaıdy Vesti.kz.
Nıkıta Fılıppov 5 metr 50 santımerlik bıiktikke sekirip, úzdik atandy. Dál osyndaı bıiktikti reseılik sportshy Ilıa Mýdrov ta baǵyndyrǵanymen, bul nátıjege qol jetkizý úshin ol birneshe ret talpynǵan. Al qola júldeni Polshadan kelgen Robert Sobera jeńip aldy. Osylaısha Qazaqstan quramasynyń qorjynynda 5 altyn jáne 4 qola medali bar. Ázirshe qazaqstandyq komanda atalǵan nátıjemen 10-orynda tur.
