Qazaqstandyq jeńil atlet Azııa chempıonatynyń «kúmisin» enshiledi
NUR-SULTAN. QazAqparat - Katar astanasy Dohada jeńil atletıkadan Azııa chempıonaty bastaldy. Alǵashqy jarys kúninde qazaqstandyq sportshy Elına Mıhına el qorjynyna kúmis medal saldy, dep habarlaıdy QazAqparat.
QR Ulttyq Olımpıadalyq komıtetten málim etkendeı, Mıhınaǵa júlde 400 metr dıstantsııada buıyrdy. Ol atalǵan qashyqtyqty 53.18 sekýndta júgirip ótken.
Birinshi orynda - bahreındik Salva Naser (51.34), úshinshi satyda - úndistandyq Pývama Radjý Machettır (53.21).
Aıta ketelik, Mıhaıl Lıtvın erler arasyndaǵy fınaldyq básekege joldama aldy. Jartylaı fınalda ol 400 metrdi 45.38 sekýndta júgirip ótip, Qazaqstan rekordyn ornatty.
