Qazaqstandyq jeńil atlet Azııa chempıonatynda «altyn» aldy
ASTANA. QazAqparat - Qazaqstan quramasy jabyq keshende ótip jatqan Azııa chempıonatynda ekinshi altyn medaldy qorjynǵa saldy, dep habarlaıdy «SPORTINFORM» SAA QR Jeńil atletıka federatsııasyna silteme jasap.
Áıelder arasynda úsh qarǵyp sekirýden qurama atynan 2017 jylǵy jazǵy qurlyq birinshiliginiń kúmis júldegeri Irına Ektova men qola medal ıesi Marııa Ovchınnıkova shyqty.
Ovchınnıkova tórtinshi nátıjeni kórsetti, al tájirıbeli Ektovanyń kórsetkishi ózinen keıingi qarsylasynan 42 santımetrge kóp boldy.
Eske sala keteıik, buǵan deıin 3 000 metrge júgirý boıynsha Tatıana Neroznak Azııa chempıony atanǵan edi.
Jabyq keshenderdegi ACh-2018, úsh qarǵyp sekirý, áıelder:
1. Irına Ektova (Qazaqstan) - 13,79 m.
2. Shına Nellıkal (Úndistan) - 13,37 m.
3. Thı Thý Thao Býı (Vetnam) - 13,22 m.
Eske salaıyq, 1 aqpan kúni Irannyń Tegeran qalasynda jabyq keshendegi Azııa chempıonaty bastaldy. Qazaqstan atynan dúbirli dodaǵa 25 jeńil atlet qatysýda.
