Qazaqstandyq jelaıaqtar Peterborda ótetin «Áıelder ondyǵyna» alǵash ret qatysqaly otyr
SANKT-PETERBOR. Tamyzdyń 11-i. QazAqparat /Elena Mıagkova/ - Qazaqstandyq jelaıaq qyzdar qyrkúıektiń 11-inde Sankt-Peterborda ótetin «Áıelder ondyǵy» halyqaralyq jarysyna alǵash ret qatysady. Osymen besinshi ret ótip otyrǵan jarysqa bıyl 15 myńnan astam qyz-kelinshek qatysqaly otyr.
QazAqparat tilshisine jarystyń uıymdastyrý komıtetinen habarlaǵandaı, júgirýge Sankt-Peterbor, Reseı, TMD jáne Baltyq elderiniń, basqa da shet memleketterdiń ókilderi qatysady. Qatysýshylardyń jastaryna, isteıtin jumystary men áleýmettik jaǵdaılaryna shek qoıylmaǵan.
Peterbor gýbernatory Valentına Matvıenkonyń bastamasynyń arqasynda, bul jarys salaýatty ómir saltyn nasıhattaıtyn dástúrli sporttyq áleýmettik mańyzdy sharaǵa aınalyp otyr.
«Áıelder ondyǵy» jarysynda er azamattarǵa tek jankúıerdiń róli ǵana buıyrady.
