Qazaqstandyq jelaıaq álemniń úzdik jeńil atleti atandy
ASTANA. QazAqparat - Qazaqstandyq sportshy Sergeı Polıkarpov Malagada ótken Álem chempıonatynda uzaq qashyqtyqta júgirýden 2017 jyldyń úzdik ardager jeńil atleti atandy, dep habarlaıdy QazAqparat QR Jeńil atletıka federatsııasyna silteme jasap.
Qostanaılyq Sergeı Polıkarpov - eldiń tanymal jeńil atletteriniń biri. Sportshy 5 myń jáne 10 myń metrde júgirýden ardagerler arasynda birneshe márte álem chempıony atanǵan. Sportshy uzaq jyldar boıy álem chempıonattary, ardagerler arasyndaǵy Dúnıejúzilik oıyndar syndy iri halyqaralyq saıystarda jeńis tuǵyrynan kórinip keledi.
Sondaı-aq, Polıkarpov 2013 jylǵy Dúnıejúzilik oıyndarda 5 myń jáne 10 myń metr qashyqtyqta júgirýden jeńimpaz atanyp, jartylaı marafonda altyn medal ıelengen.
Aıta ketý kerek, 19 qazan kúni Sergeı Polıkarpov 60 jasqa tolady.
