Qazaqstandyq jelaıaq álem chempıonatynyń jartylaı fınalyna shyqty
ASTANA. QazAqparat - Ulybrıtanııanyń Bırmıngem qalasynda ótip jatqan jabyq keshendegi álem chempıonatynda 400 metrge júgirýden qazaqstandyq Mıhaıl Lıtvın jartylaı fınalǵa shyqty, dep habarlaıdy QazAqparat QR Jeńil atletıka federatsııasynyń resmı saıtyna silteme jasap.
400 metrge júgirý saıysynyń alǵashqy irikteý saıysyna 32 qatysýshy 6 topqa bólinip júgirdi. Lıtvın tórtinshi topta synǵa tústi. Ár toptan eki úzdik jáne ýaqyt kórsetkishteri joǵary taǵy 6 atlet jartylaı fınalǵa joldama aldy.
Otandasymyzdyń qarsylastary 2017 jylǵy Londonda ótken álem chemponatynyń kúmis júldegeri Maıkl Cherrı (AQSh), Rıo Olımpıadasynyń qatysýshysy Vıtalıı Býtrym (Ýkraına), Rafal Omelko (Polsha), Mohammed Naaıl (Maldıv araldary) boldy.
22 jastaǵy Lıtvın máre syzyǵyn 47.16 sekýndta óz tobynda úshinshi bolyp kesip ótip, jartylaı fınalǵa ótti.
Álem chempıonatynyń reglamenti boıynsha jartylaı fınalǵa 18 sportshy joldama alady. Olardyń arasynda jerlesimiz de bar.
2 naýryz. Jeńil atletıkadan jabyq keshendegi álem chempıonaty. Bırmıngem. 400 metrge júgirý, erler. 4-top:
1. Maıkl Cherrı (AQSh) - 46.99
2. Rafal Omelko (Polsha) - 47.13
3. Mıhaıl Lıtvın (Qazaqstan) -47.16.
