Qazaqstandyq jekpe-jek sheberi Aqtaýdaǵy týrnırde qyrǵyzstandyq qarsylasyn jeńdi
NUR-SULTAN. QazAqparat – Qazaqstandyq jekpe-jek sheberi Bolat Zamanbekov (3-1) Aqtaýda ótip jatqan Eagle FC 48 & Naiza FC 41 týrnırinde óner kórsetti, dep habarlaıdy QazAqparat Sports.kz. saıtyna silteme jasap.
Ol qyrǵyzstandyq Syımyk Eldııarýýlymen (1-0). kezdesti. Asa aýyr salmaqtaǵy kezdesý 3 raýndqa eseptelgen bolatyn. Jekpe-jektiń ekinshi raýndynda Zamanbek býyndyrý ádisimen jeńdi.
Osylaısha, Zamanbek aralas jekpe-jekten kásibı sporttaǵy tórtinshi jeńisine qol jetkizdi. Al qyrǵyzstandyq alǵash ret jekpe-jekke shyǵyp jeńilis tapty.
Eagle FC 48 & Naiza FC 41 týrnırinińń hedlaınerleri qazaqstandyq Daýren Ermekov (16-5) pen reseılik Gamzat Hıramagomedov (10-1) bolady. Olar EFC-diń orta salmaqtaǵy ýaqytsha chempıony ataǵyna talasady. Eagle FC týrnırine keletin bolsaq, onyń quryltaıshysy UFC chempıony Habıb Nýrmagomedov.
