Qazaqstandyq jazýshy týraly fılm Polshada júlde aldy
ALMATY. QazAqparat - Qazaqfılm kınostýdııasynyń derekti fılmderi halyqaralyq festıvaldarda top jardy. Bul týraly kınostýdııanyń baspasóz qyzmeti habarlady.
QR Mádenıet jáne sport mınıstrliginiń tapsyrysy boıynsha Sh.Aımanov atyndaǵy «Qazaqfılm» kınostýdııasy túsirgen «Mıry Morısa Sımashko» derekti fılmi Polsha Halyqaralyq festıvalinde «Eń úzdik derekti fılm» júldesine ıe boldy.
«Qazaqstandyq rejısser Aleksandr Golovınskıı túsirgen derekti fılm Ekinshi dúnıejúzilik soǵystyń ardageri, Qazaqstannyń halyq jazýshysy, Qazaqstan Prezıdentiniń beıbitshilik pen rýhanı tatýlyq syılyǵynyń laýreaty Morıs Sımashkonyń ómiri men shyǵarmashylyǵyna arnalǵan», - delingen habarlamada.
Aıta ketý kerek, bul atalǵan týyndyǵa berilgen alǵashqy júlde emes.
Osyǵan deıin fılm avtory Máskeýde ótken 19-shy DetectiveFest Halyqaralyq shytyrman oqıǵaly fılmder festıvalinde arnaıy júldege, sondaı-aq «Vmeste» XVII Halyqaralyq telekınoforýmda «Lıteratýrnaıa gazeta» basylymynyń atynan «Ortalyq Azııadaǵy jańa tarıhı roman mektebiniń negizin salýshylardyń biri jáne maıdanger ómiriniń beımálim paraqtaryn ashqany jáne sheberligi úshin» atty arnaıy júldesine ıe bolǵan edi.
Sonymen qatar, «Senim jolynda» derekti fılmi Reseıdiń Sevastopol qalasynda ótken XIII Halyqaralyq «Pobedılı vmeste» atty derekti fılmder jáne telebaǵdarlamalar festıvalinde Djemma Fırsova atyndaǵy «Úzdik áleýmettik-fılosofııalyq jumys» júldesine ıe boldy.
Rejısser Ásııa Baıǵojına túsirgen «Senim jolynda» fılmi qoǵamymyzdaǵy ózekti máselelerdiń biri - din jolyndaǵy adasýshylyq týraly baıandaıdy.
«Pobedılı vmeste» festıvaliniń baǵdarlamasynda 24 memleketten 250 fılm qaraldy. Іrikteý komıssııasy 16 elden 65 fılmdi tańdap alǵan eken.
