Qazaqstandyq jattyqtyrýshy reseılik komandany basqaratyn boldy
ASTANA. QazAqparat - Qazaqstandyq maman Sergeı Volgın voronejdik «Fakel» komandasynyń bas jattyqtyrýshysy bolyp taǵaıyndaldy, dep habarlaıdy QazAqparat «SPORTINFORM»-ge silteme jasap.
«Qaırattyń» 58-jastaǵy burynǵy jattyqtyrýshysy sońǵy ýaqytta ózi turatyn Qaskeleńdegi balalar fýtbol mektepteriniń birinde jumys istep kelgen bolatyn. 16 shildede ol Voronejge baryp, Reseılik FUL «Fakel» klýbymen kelisimshartqa otyrady. 90-jyldardyń ortasynda ol dál osy qalada jáne osy komandada óziniń dańqty karerasyn aıaqtaǵan bolatyn.
Volgınniń kásibı klýb deńgeıindegi sońǵy jumys orny - «Aqjaıyq» klýby bolatyn. Ol onda 2014-2015 jyldary jumys istedi. Sodan beri kánigi maman shyǵarmashylyq demalysta bolatyn
Sergeı Volgın óziniń jattyqtyrýshylyq karerasyn sol Reseıde, «Satýrnnyń» jattyqtyrýshylyq shtabynda bastaǵan edi. Sosyn elıstındik «Ýralanda» reseılik Leonıd Slýtskııdiń assıstenti boldy. sosyn Otanyna oralyp, úsh jyl boıy «Ertiste» jumys istedi.
Onyń eń uzaq jattyqtyrǵan komandasy «Qaırat» boldy. Sergeı Volgınniń kezinde atalmysh komanda Qazaqstan Premer lıgasyna qaıta oralǵan bolatyn.
