Qazaqstandyq jastar «Jas ǵalymdar úıin» salýdy usyndy
Kezdesý barysynda «Jas Otan» JQ jetekshisi Elnur Beısenbaev belgili bir óńirdiń, aýdannyń nemese aýyldyń máselelerin sheshý úshin naqty jol kartalary ázirlenetinin atap ótti.
«Biz alǵash ret naqty sharalar kesheni men belgilengen ındıkatorlary bar 216 óńirlik jol kartasyn daıyndaımyz. Ár jol kartasy sol aýdandy, qalany qamtıtyn bolady, al jergilikti jastar ındıkatorlardyń oryndalý barysyn ózderi baqylaı alady. Osyndaı jol kartasynyń naqty tarmaqtarynyń biri – jastar arasyndaǵy jumyssyzdyqty 3,7% deıin tómendetý», - dedi E. Beısenbaev.
Al tarıhshy, arheolog, PhD doktory, Ulttyq mýzeı dırektorynyń ǵylymı jumys jónindegi orynbasary Aıbar Qasenalın jastarǵa salalyq syılyqtar tabystaýdy usyndy.
«Meniń oıymsha, «Daryn» syılyǵy jas qazaqstandyqtardyń eńbegin baǵalaý úshin jetkiliksiz, sondyqtan jas qazaqstandyqtardy «Jas ǵalym», «Jas talant», «Jas jazýshy» sııaqty syılyqtardy taǵaıyndaý arqyly yntalandyrýdy usynamyn», - dedi Aıbar Qasenalın.
Sonymen birge, A. Qasenalın ǵylymmen aınalysatyn jastardyń qajettiligin eskere otyryp, jas ǵalymdar úıin salýdy usyndy.
Kórkem gımnastıkadan halyqaralyq dárejedegi sport sheberi Anna Alıabeva jastar arasynda sport, salaýatty ómir saltyn damytýdy jáne osal toptaǵy adamdarǵa sportpen shuǵyldanýǵa kómektesý kerektigin atap ótti.
Aıta keteıik, «Jastar – Otanǵa!» 2025 jylǵa deıingi baǵdarlamasy «Jas Otan» jastar qanatynyń V sezinde qabyldanady. Qazirgi ýaqytta baǵdarlama jobasy elimizdiń barlyq óńirinde talqylanyp jatyr.
