Qazaqstandyq jastar táýelsizdikti amanat dep qabyldaýy kerek - Maksım Spotkaı
Bul pikirdi Qazaqstan halqy assambleıasy «Jańǵyrý joly» respýblıkalyq jastar qozǵalysynyń tóraǵasy Maksım Spotkaı bildirdi, dep habarlaıdy QazAqparat.
«Elbasynyń búgingi málimdemesi - kútpegen biraq tarıhı sheshim boldy. Ár qazaqstandyq úshin Elbasy qaı laýazymda bolsa da, máńgi Elbasy bolyp qalady. ıAǵnı, biz ony Ult kóshbasshysy retinde qabyldaımyz.
Jalpy, Elbasynyń eń basty jeńisi, jetistigi - sózsiz Táýelsizdigimizdi oraltý. Bizdiń jeńisterdiń bári Táýelsizdigimizben, Elbasynyń esimimen baılanysty. Mysaly men - Táýelsizdik urpaǵymyn. Táýelsiz elde týyp-ósken balamyn. Sondyqtan, meniń jeke ómirimdegi jetistiktiń bári Elbasymen baılanysty. Elbasynyń saıasatynyń arqasynda jettim deýge bolady, - dedi Maksım Spotkaı QazAqparat tilshisine bergen suhbatynda.
Onyń aıtýynsha, Nursultan Nazarbaevty el ishinde ǵana emes, shet eldegi qandastarymyz da Elbasy dep qabyldaıdy.
Sonymen birge, jas qazaqstandyqtar Elbasy alyp bergen táýelsizdikti amanat dep qabyldaýy kerek.
«ıAǵnı, qazirgi jastarymyzdyń eń basty maqsaty - Táýelsizdigimizdi saqtaý, nyǵaıtý, damytý bolýy tıis. Ekonomıkalyq, álýemettik jaǵdaıymyzdy saqtaý qajet. Bul - jas qazaqtandyqtardyń eń basty maqsattarynyń biri dep aıtýǵa tolyq negiz bar. Aıta keterlik jaıt, men ózimdi baqytty adam dep esepteımin. Sebebi men Elbasynan bata alǵan balalardyń birimin. Kezinde Prezıdent aldynda birneshe ret sóz sóıledim. Men ony tek uly tulǵa, uly saıasatker retinde ǵana emes, adam retinde de, adamgershiligi men jeke qasıtetterin qatty qurmetteımin», - dep óz sózin túıindedi Maksım Spotkaı.
Eske sala ketsek, búgin Nursultan Nazarbaev prezıdenttik ókilettigin toqtatatynyn málimdedi.