Qazaqstandyq jastar Delfıı oıyndarynda eki altyn medal oljalady
ASTANA. 28 qyrkúıek. QazAqparat - Búgin Astanadaǵy «Shabyt» óner úıinde TMD jastary arasyndaǵy VII Delfıı oıyndarynyń «Saksofon», «Halyq bıi», «Fotosýret» jáne «Kórkemsýret jáne beıneleý óneri» atalymdarynyń jeńimpazdary anyqtaldy.
«Saksofon» atalymynda Qazaqstan, Armenııa jáne Reseı memleketiniń ókilderi saıysqa tústi. Birinshi oryn jáne altyn medal Reseı saksofonshysy Aleksandr Strelıaevtiń ýysynda ketti. Kúmis júlde armenııalyq Aram Pogosıanǵa buıyrsa, úshinshi orynǵa qazaqstandyq mýzykant Aqjol Isın ıe boldy.
«Fotosýret» atalymy boıynsha 16-21 jastaǵy jastar arasynda altyn medal Reseı Federatsııasyna jol tartty. ıÝlııa Strokınanyń (Reseı) fotomaterıaldar eń úzdik dep tanyldy. Kúmis Anastasııa Tarakanovaǵa (Reseı) berildi. Qola medal Marına Shevchýktiń (Qazaqstan) enshisinde. Al 10-15 jastaǵy balalar arasyndaǵy saıysta qazylar alqasy altyn medaldi eshkimge laıyqtaǵan joq. Kúmis júlde qazaqstandyq Arman Shámenovke tabystalsa, qola Kıra Kemaıkınanyń (Qazaqstan) tósine ilindi.
Al eń kórikti saıys - «Halyq bıi» atalymynda ónersúıer qaýym qyzý básekelestikke kýá boldy. Reseı, Qazaqstan, Qyrǵyzstan, Ázirbaıjan elderiniń óner ujymdary qatysqan baıqaýda barlyǵy 15 ansambl baq synady. Kishi jas kategorııasyndaǵy balalar arasynda altyn medal Qazaqstannyń «Shashý» ansambline berildi. Olar qalalyq, respýblıkalyq delfıı oıyndardyń jeńimpazdary, endi mine, TMD elderi arasynda úzdik atanyp otyr. Ekinshi oryndy Qyrǵyzstannan kelgen bıshiler «Adıs» toby utyp ketti. Al úshinshi oryndy Astananyń «Báıterek» bı ansambli jeńip aldy. Kelesi 13-15 jastaǵy balalar arasyndaǵy jarysta altyn medal «Sıbırskıe ýzory» ansambline buıyrdy. Kúmis júlde «Karýsel» (Reseı) ujymyna, qola - «Raýan» (Qazaqstan) bıshilerine tabys etildi.
Jasóspirimder arasyndaǵy baıqaýda birinshi orynǵa qyrǵyzstandyq «Shattyq» bı ansambli, ekinshi orynǵa Qazaqstannyń «Jarqyn» bı toby, úshinshi orynǵa taǵy bir otandyq ujym «Gaýhar bilezik» laıyq dep tanyldy.
Sońǵy «Kórkemsýret jáne beıneleý óneri» atalymynda kishi jas kategorııasyndaǵy qatysýshylar arasynda qazaqstandyq Vıktorııa Sergıenko úzdik atansa, odan keıingi orynǵa moldovalyq Chezar Chobaný, al úshinshi júldege Svetlana Tıtova (Reseı) ıe boldy. Jasóspirimder arasyndaǵy saıysta eń myqty týyndy Ekaterına Shımanochıniki dep tańdalǵan bolsa, kúmiske otandasymyz Araı Nurashova qol jetkizdi. Úshinshi orynǵa qazylar reseılik Tatıana Cheprasova laıyq dep sheshti.
