Qazaqstandyq jastar bıznes-jobalaryn ınvestorlar aldynda qorǵaıdy
«Bıyldyń qańtarynan bastap barlyq aımaqtar boıynsha 10 myńǵa jýyq stýdentti óz startap ıdeıalaryn qurý protsesine engizdik. Olardyń arasynda 5 myńǵa tarta adam óz jobalaryn qurýǵa qaýqarly boldy. Atap aıtqanda, sonyń ishinde 471 jobany shırek fınalǵa ótkizdik jáne aldaǵy úsh kúnde olardyń arasyndaǵy myqtylaryn irikteımiz», - dedi QR Bilim jáne ǵylym mınıstrliginiń jaýapty hatshysy Aryn Órsarıev baspasóz máslıhatynda.
Onyń atap ótýinshe, mınıstrlik jas bıznesmenderdiń startaptaryn qarjylandyrýǵa qatyspaıdy. ıAǵnı qazylar alqasynda áleýetti ınvestorlar bolatyndyqtan, óz ıdeıalaryn usynǵan jastar tyń jobalarymen ınvestorlardy qyzyqtyra alýy tıis.
Aıta keteıik, bıylǵy aqpan men mamyr aılarynda elimizdiń óńirlerinde «SratupBolashak - Meniń armanym» baıqaýynyń irikteý kezeńi ótti. Sonyń nátıjesinde shırek fınalǵa 471 bıznes-joba shyqty. 16-35 jas aralyǵyndaǵy 900-den astam qatysýshy, sondaı-aq 100 sarapshy, 50 mentor men aımaqtardan kelgen 20 úılestirýshi qatysyp jatyr.
Úsh kúnniń ishinde elordadaǵy Táýelsizdik saraıynda jartylaı fınalǵa joldama alatyn 100 myqty joba tańdalatyn bolady.
Startaptar 10 taqyryp boıynsha sektsııalarǵa bólingen. Osy oraıda jasyl ekonomıka, bilim berý, medıtsına men salaýatty ómir salty, qyzmet kórsetý, aýyl sharýashylyǵy, aqyldy tehnologııa, qurylys pen árleý, týrızm, qoǵamdyq tamaqtaný baǵyttary eskerilgen.
Jartylaı fınalǵa ótkender 2018 jyldyń shilde aıynda «SratupBolashak - Meniń armanym» jazǵy kýbogy aıasynda fınalǵa joldama alý úshin ózara baq synasady.
