Qazaqstandyq jasóspirimder Novosibirde ótken «Lokoveleı-2012» halyqaralyq birinshiliginde úzdik bestiktiń qatarynan kórindi
ALMATY. 4 jeltoqsan. QazAqparat - Reseıdiń Novosibir qalasynda 30 qarasha men 2 jeltoqsan aralyǵynda 1997-98 jyly týǵan jasóspirimder arasynda «Reseı temir joly» AAQ-nyń «Lokovoleı-2012» halyqaralyq birinshiligi ótti.
Jyl saıyn bolatyn dástúrli jarysqa bıyl Qazaqstan, Qytaı, Mońǵolııa quramalary men Reseıdiń aımaqtyq mamandandyrylǵan mektepteriniń komandalary qatysty.
Grıgorıı Neklıýdov jattyqtyratyn Qazaqstan quramasy alǵashqy kezeńde «B» tobynda Krasnoıar ólkesi, Ekaterınbýrg jáne Seversk qalalarynyń mamandandyrylǵan daryndy balalarǵa arnalǵan sport mektepteriniń komandalarymen básekege túsip, óz tobynda ekinshi oryn aldy. Odan keıin shırek fınalda alań qojaıyndary men Qytaı quramasynan utylyp, jartylaı fınalǵa shyǵa almady. Al 6-oryn úshin bolǵan saıysta Angarsk qalasyndaǵy «Ermak» mektebiniń komandasyn 2:1 esebimen utyp, besinshi oryndy qanaǵat tutty.
