Qazaqstandyq jasóspirimder MMA boıynsha álem chempıonatynda tabysty óner kórsetti
ORAL. QazAqparat - Reseıdiń ıAroslavl qalasynda 16-17 jastaǵylar arasynda MMA boıynsha márege jetken álem chempıonatynda qazaqstandyq sportshylar tabysty óner kórsetti, dep habarlaıdy «QazAqparat» HAA tilshisi.
Championat.com saıtynan alynǵan málimetke qaraǵanda, Erulan Qabdolov 48 kg salmaqta qarsylas shaq keltirmeı, altynnan alqa taqty. Sonymen qatar Berikhan Mádenıetov (48 kg), Álbergen Amanqos (61,2 kg), Samat Muqashev (84,0 kg) jáne Erkinbek Qosaev (93,0 kg) óz salmaq dárejelerinde qola júldeger atandy.
Qazaqstan quramasyn Almat Esentaev bastaǵan Armat Sársekenov, Evgenıı Makshantsev, Saǵyndyq Mekeev jáne basqa bapkerler jattyqtyrady.
A.Sársekenov «QazAqparat» tilshisine marapattaý rásimine ataqty jekpe-jek sheberi, Reseı MMA odaǵynyń prezıdenti Fedor Emelıanenkonyń qatysqanyn jetkizdi. Ol oraldyq Samat Muqashevpen sýretke de tústi.
