Qazaqstandyq jasóspirimder grek-rım kúresinen Álem chempıonatynda eki qola júlde ıelendi
ALMATY. 27 tamyz. QazAqparat - Bakýde 25-26 tamyz kúnderi grek-rım kúresinen jasóspirimder arasynda Álem chempıonaty ótti.
Onda jarystyń alǵashqy kúni 42, 50, 58, 69, 85 keli salmaqtaǵy balýandar kúsh synasty. Bul saıysta eń alǵashqy bop beldesken Meırambek Nadyrbekov aqtyq synda túrkııalyq Sergen Annan basym túsip, Álem chempıonatynyń qola júldegeri atandy. Onyń jeńisti jolyn ýkraınalyq ıAroslav Fılchakovty utqan Hýseın Akkıev (69 kg) odan ári jalǵastyryp, el qorjynyna ekinshi qola júldeni saldy. Al Vıacheslav Fateev (58 kg) qola júlde úshin ótken synda túrkııalyq Ahmet Ýkarǵa ese jiberdi. Shırek fınalda Meırambek Nadyrbekov (42 kg) grýzııalyq Genadıı Chıtadzege, Nurym Tóre (50 kg) ázirbaıjandyq Elnýr Hasanovqa utyldy. Baqdáýlet Espenbetov ( 85 kg) aqtyq synda ırandyq Danııal Akbarıfrýzıge utyldy.
Keshe 46, 54, 63, 76 jáne 100 keli salmaqtaǵy balýandar jarysty odan ári jalǵastyrǵan bolatyn. Alaıda qorjynǵa birde-bir medal túspedi. Nurbolat Naltenov (46 kg) pen Hýseın Mýtsolgovtyń (76 kg) jolyn reseılik Arıf Mırzaev pen Maıyrbek Adygerov kesti. Álip Aıan ( 54 kg) grýzııalyq Bakýrı Gogolıge, Aıan Birjanov (100 kg) túrkııalyq Emre Mýıanǵa utylsa, Rahman Shaharbek (63 kg) moldovalyq balýanǵa ese jiberdi.
