Qazaqstandyq jasóspirimder álemdik reıtıngide jeke rekordtaryna qol jetkizdi
NUR-SULTAN. QazAqparat – Halyqaralyq tennıs federatsııasy (ITF) 18 jasqa deıingiler arasynda jańartylǵan álemdik reıtıngini jarııa etti, dep habarlaıdy QazAqparat tilshisi.
Qazaqstan tennıs federatsııasynan málim etkendeı, qazaqstandyq jas tennısshiler aldyńǵy aptamen salystyrǵanda, edáýir joǵary kóterildi.
Maksım Batıýtenko birden 16 satyny artqa tastap, 59-orynǵa jaıǵasty. Dýshanbede absolıýtti jeńimpaz atanǵan Vıtalıı Zatsepın 588-den 498-ge joǵarylady.
Qyzdar arasynda Arýjan Saǵyndyqova alǵash ret úzdik 60 tennısshiniń qataryna kirdi, qazir ol 51-satyda. Sondaı-aq, kórsetkishterin jaqsartqan Sandýǵash Kenjebaeva 65-shi (+24), Janel Rústemova 128-shi (+9), Erkejan Arystanbekova 179-orynda (+26) keledi.
Eske sala keteıik, budan buryn Elena Rybakınanyń álemdegi úzdik 25 tennısshiniń qataryna qaıta kirgenin, qazaqstandyq tennısshiniń Grýzııadaǵy jarysta úzdik shyqqanyn jazǵan bolatynbyz.
Sondaı-aq, Elena Rybakına Tsıntsınnatı týrnırin sátti bastady.
