Qazaqstandyq jasóspirim voleıbolshylar Azııa chempıonatynyń úzdik ondyǵyna ený úshin talasady
ALMATY. 29 qazan. QazAqparat - Irannyń Tegeran qalasynda voleıboldan 17 jasqa deıingi jasóspirimder arasynda ótip jatqan ІH Azııa chempıonatynda qazaqstandyqtardyń ondyqqa ený múmkindigi bar.
Olar toptyq synda júldeli orynǵa talasý múmkindigin qoldan shyǵaryp alyp, 9-11 oryndar sarapqa salynǵan oıynda Túrikmenstan quramasynan 3:2 (21-25, 18-25, 25-19, 25-13, 15-9) esebimen basym tústi.
Olar Avstralııa men Túrikmenstan komandalary arasyndaǵy erteńgi kezdesýdiń jeńimpazymen sársenbi kúni baq talastyryp, 9-ynshy orynǵa talasatyn bolady. Al seısenbide Qytaı men Shrı-Lanka, Iran men Taıland, Ońtústik Koreıa men Úndistan, Japonııa men Taıpeı shırek fınaldyń saıystaryn ótkizedi. Odan keıin sársenbide jartylaı, al beısenbi kúni aqtyq kezdesýler bolady.
