Qazaqstandyq jasóspirim voleıbolshylar Azııa chempıonatynda 10-shy oryn aldy
ALMATY. 1 qarasha. QazAqparat - Búgin Irannyń Tegeran qalasynda 17 jasqa deıingi jasóspirimder arasyndaǵy ІH Azııa chempıonatynyń aqtyq oıyndary ótedi.
Grıgorıı Neklıýdov jattyqtyratyn qazaqstandyqtar keshe Avstralııa quramasyna ese jiberip, onynshy oryndy qanaǵat tutty. Búgin úzdik segizdikke kirgender arasynan Qytaı men Iran - chempıondyq ataqty, Ońtústik Koreıa men Japonııa - qola júldeni, al Taıpeı men Shrı-Lanka - besinshi, Taıland pen Úndistan jetinshi oryndy sarapqa salatyn bolady.
3 qazan kúni bastalǵan bul baıraqty básekede Qazaqstan quramasy toptyq kezeńde Qytaı men Taıland sportshylarymen «V» tobynda óner kórsetken edi. Onda eki oıynda da qarsylastastaryna 0:3 esebimen utylyp, júldeli oryndarǵa talasý múmkindigin qoldan shyǵaryp aldy. Al 9-11 oryn úshin bolǵan saıysta Túrikmenstandy 3:2 esebimen utqanymen, sheshýshi oıynda avstralııalyqtardyń osal tusyn taba almady.
