Qazaqstandyq jasóspirim tennısshiler Germanııadaǵy jarysta úzdik shyqty

ASTANA. QazAqparat – Qazaqstandyq jasóspirim tennısshiler Germanııanyń Ýlm qalasynda 14 jáne 16 jasqa deıingiler arasynda ekinshi sanattaǵy Tennis Europe serııasy boıynsha ótken Müller Junior Cup Ulm týrnırinde jeńimpaz atandy, dep habarlaıdy QazAqparat tilshisi.

Qazaqstan tennıs federatsııasynan málim etkenindeı, 14 jasqa deıingiler arasynda Erkejan Jańataeva jekeleı synda úzdik shyqty.

Erkejan fınalda germanııalyq Francheska Partsellıdi tize búktirdi – 4:6, 6:4, 6:2.

Juptyq synda ıAroslav Pshenıchnyı men Mansur Saıynov qarsylas shaq keltirmedi. Al Ádııa Omarbek germanııalyq Gýdıt Plamen birge fınalıst atandy.

Sátıma Tóregen 16 jasqa deıingiler arasynda jeńis tuǵyryna kóterildi. Ol sońǵy básekede nemis Ida Vobkerdi qapy qaldyrdy – 6:3, 6:7 (4:7), 6:4.

Uldar arasynda Rodıon Lýkashov – Oljas Esenáli fınalǵa deıin jetti.

Eske sala keteıik, budan buryn Denıs Evseevtiń Prezıdent kýbogy chellendjer týrnıriniń chempıony atanǵanyn jazǵan bolatynbyz.

Sondaı-aq Aleksandr Býblık juptyq synda Vashıngtondaǵy negizgi týrnırge ótti.