Qazaqstandyq jasóspirim tennısshiler Azııa oıyndaryn sátti bastady
ASTANA. 20 tamyz. QazAqparat - Bul kúnderi Qytaıdyń Nanjın qalasynda ótip jatqan jasóspirimder arasyndaǵy Azııa oıyndarynda qazaqstandyq tennısshiler sátti óner kórsetýde,
dep habarlady QR Tennıs federatsııasynyń baspasóz qyzmetinen.
Búgin «Team Kazakhstan» tárbılenýshileri Ásııa Daıyr men Anastasııa Epısheva shırek fınalǵa joldama alý úshin saıysqa tússe, jeke synda qazaqstandyq tennısshi Dmıtrıı Popko alǵashqy aınalymda sırııalyq Karema Alalaftan 6:1,6:2 esebimen basym tústi. Al birinshi aınalymda katarlyq Abdýlla Almamoýdtan eki sette de basym túsken taǵy bir sportshymyz Roman Hasanov ekinshi aınalymǵa joldama aldy.
Aıta keteıik, jasóspirimder arasyndaǵy Azııa oıyndary eń alǵash ret 2009 jyly Sıngapýrde ótken bolatyn. Aǵymdaǵy jyly baıraqty báseke sporttyń 17 túrinen ótedi. Júldeli oryndar úshin 45 eldiń sportshylary baq synaıdy.
