Qazaqstandyq jasóspirim tennısshiler alǵash ret Azııa chempıony atandy
ASTANA. QazAqparat - Elordada 12 jasqa deıingiler arasynda ótken Azııa komandalyq birinshiligi máresine jetti, dep habarlaıdy QazAqparat tilshisi.
Qazaqstan tennıs federatsııasynan málim etkendeı, qazaqstandyq uldar (kapıtany Sergeı Kvak) fınalda Taıland quramasyn 2:1 esebimen tize búktirdi.
Chempıondyq másele sońǵy, juptyq básekede sheshildi. Robert Kamınskıı men Gıorgı Bregvadze Darma Antaraton - Trı Srısennen basym tústi - 7:5, 6:3.
Osylaısha, qazaqstandyq uldar óz tarıhynda alǵash ret chempıondyq tuǵyrǵa kóterildi.
Qyzdar quramasy fınalda Taıland quramasyna jol berdi - 0:3.
Osyǵan deıin qazaqstandyq qyzdar 2019 jáne 2021 jyldary chempıon atansa, uldar 2019 jyly qola, ótken jyly kúmis júldege ıe bolǵan edi.
Eske sala keteıik, budan buryn tennısten Devıs kýbogynda Qazaqstan tobynda shırek fınalǵa shyqqan komandalar anyqtalǵanyn jazǵan bolatynbyz.
