Qazaqstandyq jasóspirim tennısshi Azııa reıtıngisinde kósh bastap keledi

ASTANA. QazAqparat - Azııa tennıs federatsııasy (ATF) men Tennis Europe 14 jáne 16 jasqa deıingiler arasynda jańartylǵan reıtıngini jarııa etti, dep habarlaıdy QazAqparat tilshisi.

Qazaqstan tennıs federatsııasynan málim etkenindeı, Eýropa reıtıngisinde 14 jasqa deıingiler arasynda ıAroslav Pshenıchnyı 64-orynǵa jaıǵasty. Mıhaıl Mışenko 114-inshi, Robert Kamınskıı 139-satyda tur.

Qyzdar arasynda Eva Korysheva 59-orynǵa kóterildi. Tomırıs Nurjan - 173, Erkejan Jańataeva 183-satyda keledi.

Azııa reıtıngisinde 16 jasqa deıingiler arasynda Kárim Temirlan burynǵysha kósh bastaýda.

Qyzdardan bes qazaqstandyq TOP-10-ǵa kirdi. Safına Safıýlına - 2, Arıana Gogýlına - 4, Danaıa Amanǵajıeva - 7, Polına Sleptsova - 8 jáne Erkejan Jańataeva 9-orynda.

Eske sala keteıik, budan buryn Aleksandr Býblıktiń juptyq synda Rotterdam týrnıriniń shırek fınalyna shyqqanyn jazǵan bolatynbyz.

Sondaı-aq qazaqstandyq tennısshiler Argentınadaǵy jarystyń shırek fınalyna joldama aldy.

Foto: Qazaqstan tennıs federatsııasy