Qazaqstandyq jasóspirim qyzdar alǵash ret tennısten álem chempıonatyna joldama aldy
ASTANA. QazAqparat - Tennısten Qazaqstan qyzdar quramasy 16 jasqa deıingiler arasynda alǵash ret álem chempıonatyna joldama aldy, dep habarlaıdy QazAqparat tilshisi.
Qazaqstan tennıs federatsııasynan málim etkenindeı, Shymkent qalasynda Azııa - Tynyq muhıt aımaǵy boıynsha ótip jatqan irikteý týrnıriniń jartylaı fınalynda ıAroslava Shvedovanyń shákirtteri álemdegi úzdik quramalardyń biri, jasóspirimder arasynda Bıllı Djın Kıng kýboginiń bes dúrkin chempıony Aýstralııany 2:0 esebimen tize búktirdi.
Birinshi oıynda Arıana Gogýlına qarsylasyn tartysty matchta 7:5, 3:6, 7:5 esebimen utty. Ol birinshi partııada 2:5 esebimen jeńilip jatyp, qatarynan bes geımdi aldy.
Polına Sleptsova Aýstralııa kóshbasshysy Tahlııa Kokkınısti jeńdi - 7:5, 6:4.
Osylaısha, Qazaqstan jasóspirimder quramasy bıyl kúzde ótetin 16 úzdik komandanyń qatarynda álem chempıonatynda óner kórsetedi.
Erteń, 6 mamyr kúni fınalda qazaqstandyq qyzdar Japonııa nemese Ońtústik Koreıanyń bireýimen kezdesedi.
Eske sala keteıik, budan buryn Qazaqstan jasóspirimderiniń irikteý týrnıriniń 1/2 fınalyna shyqqanyn jazǵan bolatynbyz.
Sondaı-aq Aleksandr Býblık Frantsııadaǵy týrnırdiń shırek fınalyna shyqty.
