Qazaqstandyq jasóspirim grek-rım palýandary Álem chempıonatyna qatysady
ALMATY. 20 tamyz. QazAqparat - Qazaqstandyq grek-rım kúresi sheberleri 21-27 tamyz kúnderi Bakýde erkin, grek-rım, áıelder jáne jaǵajaı kúresterinen ótetin Álem chempıonatyna qatysady.
Olarǵa jasóspirimder quramasynyń aǵa bapkeri Serik Jumashev jetekshilik etpek. Bul jarysta el namysyn qorǵaýdy bapkerker keńesi myna sportshylarǵa senip tapsyryp otyr: Meırambek Nadırbaev (42 kg), Nurbolat Naltenov (46 kg), Tóre Nurym (50 kg), Aıan Alıp (54 kg), Vıacheslav Fateev (58 kg), Rahman Shaharbek (63 kg), Hýsseın Akıev (69 kg), Hýsseın Mýtsolgov (76 kg), Baqdaýlet Espenbetov (85 kg), Aıan Birjanov (100 kg). Olar 25-26 tamyz kúnderi beldespek.
Byltyr Býdapeshtte ótken chempıonatta qazaqstandyq grek-rım kúresshileri komandalyq esepte 39 upaımen altynshy oryn alǵan bolatyn. Onda Meırambek Aınaǵulov (50 kg) Álem chempıony, Muhammed Esmurzaev (58 kg) kúmis, Káripjan Abylaı (54kg) qola júldeger atandy.
