Qazaqstandyq jasóspirim boksshylar halyqaralyq týrnırde 11 medal aldy

ASTANA. QazAqparat - Ázerbaıjan astanasy Baký qalasynda Geıdar Álıevtiń týǵanyna 100 jyl tolý qurmetine arnalǵan bokstan jasóspirimder arasynda halyqaralyq týrnır máresine jetti, dep habarlaıdy QazAqparat tilshisi.

Jarys qorytyndysynda qazaqstandyq sportshylar 11 medal enshiledi. Onyń 3-i altyn, 3-i kúmis, 5-i qola.

El quramasynan Erjan Іztileýov (52 keli), Tagır Sataev (63 keli), Jasulan Berdaly (70 keli) óz salmaǵynda chempıon atandy.

Kúmis júldegerler qatarynda Igor Solovev (63 keli), Bekarys Nurmuqan (66 keli), Beksultan Qaıratuly (80 keliden joǵary) bar.

Al Ramazan Orynbasar (50 keli), Asqar Qýanysh (63 keli), Muhıt Nurqabyl (57 keli), Baqytjan Aıtmuqanov (75 keli), Anııat Tileýjan (80 keli) qola júldege qol sozdy.

Eske salsaq, budan buryn Jánibek Álimhanulynyń qarsylasy anyqtaldy.