Qazaqstandyq jasóspirim basketbolshylar Azııa chempıonatynda óz tobynda 2 orynda keledi
ALMATY. Qarashanyń 20-sy. QazAqparat /Erlik Erjanuly/ - Malaızııada basketboldan 16 jasqa deıingi jasóspirimder arasynda ótip jatqan Azııa chempıonatynda el quramasy búgin fılıppındik qurdastarynyń osal tusyn taba almady,
dep habarlaıdy QazAqparat.
Djohor-Bahrý qalasynda qarashanyń 19-ynda jalaýyn kótergen bul baıraqty básekede Borıs Borısovtyń shákirtteri alǵashqyda Bahreın quramasynan 63-54 (18-14, 14-9, 18-21, 13-10) esebimen basym túsken edi. Búgin fılıppındik qurdastaryna 50-76 esebimen (14-16, 10:19, 13:14, 13:27) ese jiberdi. Olar V tobyndaǵy kelesi oıynyn erteń Japonııa basketbolshylarymen ótkizedi. Qarashanyń 27-sine deıin sozylatyn bul dúbirli dodada Azııa chempıony ataǵyn óz tobynda 1-2 oryn alǵan komandalar ǵana sarapqa sala alady.
