Qazaqstandyq jas jankúıer Krıshtıaný Ronaldýmen kezdesý úshin alańǵa shyǵyp ketti
ALMATY. QazAqparat – Qazaqstandyq jas jankúıer Krıshtıaný Ronaldýmen kórisý úshin match kezinde alańǵa júgirip shyqty, dep habarlaıdy QazAqparat tilshisi.
Bul sýret áleýmettik jelilerdi sharlap ketti.
21 shildede Sıngapýrda ótken «ıÝventýs» pen «Tottenhem» arasyndaǵy halyqaralyq chempıondar kýbogynyń matchynda qazaqstandyq sport jankúıeri qosalqy quram oıynshylary otyratyn orynnan Ronaldýdy kórip qalǵan.
Ol súıikti sportshysynyń qolyn alý úshin alańǵa júgirip shyqqan.
ıÝventýs bapkeri bul týraly bylaı dep jazdy.
«Alańda júgirip kele jatqan jas jigitti kórdim. Ony alyp ketedi-aý dep qoryqtym. Ol Ronaldýmen sýretke túskisi kelgen. Sol úshin men ony osynda ertip keldim. Men úshin bul qýanysh», - dedi ıÝventýs bapkeri.
Aıta ketý kerek, bul kezdesýde Ronaldý 60-mınýtta gol saldy. Sosyn ony bapkeri Mateýs Pereırýmen aýystyrdy.
«Altyn doptyń» 5 dúrkin ıegeri júgirip kelgen jigitti qýana qarsy alyp, sýretke túsip, oıyn bitkenshe sol jerden tamashalýǵa shaqyrdy.
Keıbir BAQ-tardyń habarlaýynsha, balanyń aty Ahmadı Erjanov. Ol ákesimen Aqtaýdan kelgen.
Aıta ketý kerek, «ıÝventýs» - «Tottenhem» kezdesýi 21 shildede Sıngapýrda ótken bolatyn. Bul kezdesýde aǵylshyndar 3;2 esebimen jeńiske jetti.
