Qazaqstandyq jas voleıbolshylar halyqaralyq týrnırde 12-ret jeńdi
QYZYLORDA. QazAqparat - Syrdarııa aýdanynyń ortalyǵy - Tereńózek kentinde 2003-2004 jyldary dúnıege kelgen jasóspirimder arasynda voleıboldan halyqaralyq týrnır máresine jetti, dep habarlaıdy QazAqparat tilshisi.
Bıyl jıyrmasynshy márte ótkizilgen jarysqa elimizdiń birqatar oblystary men Ózbekstannan 20 komanda qatysty. Týrnırde jergilikti komanda ózgelerge eshbir múmkindik bermeı, bas júldege qol jetkizdi. Aıta ketý kerek, bıyl olar 12-inshi ret jeńimpaz atanyp otyr.
Odan keıingi oryndardy Túrkistan jáne Jambyl oblystarynyń komandalary ózara bólisti. Sondaı-aq aqtóbelik shabýylshy Baǵlan Amantýlın, jambyldyq úılestirýshi Dıas Kópbaev, Shyǵys Qazaqstan oblysynyń lıbero oıynshysy Álisher Maratov óz shepteri boıynsha úzdik sanalsa, syrdarııalyq Dýlyǵa Tólegenov úzdik oıynshy boldy.
