Qazaqstandyq jas voleıbolshylar Álem chempıonatynyń toptyq synynan sátti ótti
ALMATY. 12 shilde. QazAqparat - Osy kúnderi Kıprdiń Larnaka qalasynda jaǵajaı voleıbolynan 19 jasqa deıingi jastar arasynda Álem chempıonaty ótýde.
Onda el namysyn qorǵap jatqan Aqtaý qalasynan «Kaspıı» voleıbol klýbynyń sportshylary keshe, toptyq syndaǵy saıystaryn bastady.
Atap aıtqanda, toptyq kezeń saıysynda Ekaterına Lasıýta men Aleksandra Varasova Kıpr men Horvatııa sportshylaryn qapy qaldyrdy, qazir olar sońǵy kezdesýin shveıtsarııalyq qurbylarymen ótkizýde.
Al jigitterden Nurlan Kóńilqos pen Sergeı Kotenov Norvegııa men Horvatııa sportshylaryna ese jiberip, aljırlikterden ǵana basym tústi. Endi olar birinshi kezeńniń saıysyna qatysady. 11 shilde kúni bastalǵan bul dúbirli dodanyń jeńimpazdary senbi kúni belgili bolady.
