Qazaqstandyq jas tennısshilerdiń Azııa birinshiligindegi qarsylastary anyqtaldy
NUR-SULTAN. QazAqparat - Elordadaǵy «Dáýlet» tennıs ortalyǵynda 12-17 qyrkúıek aralyǵynda 12 jasqa deıingiler arasynda Azııa komandalyq birinshiliginiń fınaly ótedi, dep habarlaıdy QazAqparat tilshisi.
Qazaqstan tennıs federatsııasynan málim etkendeı, júldeli oryndar úshin 10 eldiń sportshylary talasady.
Jerebe qorytyndysyna sáıkes Qazaqstan uldar quramasy A tobynda Iran, Gonkong, Mıanma jáne Pákistan komandalarymen synǵa túsedi.
Qyzdar V tobynda Taıbeı, Malaızııa, Shrı-Lanka jáne Iranmen oınaıdy.
Qazaqstan namysyn qorǵaıtyn tennısshiler anyqtaldy.
Qyzdar:
1. Lınara Bólesheva (Almaty)
2. Polına Barabanova (Qaraǵandy)
3. Ámına Nurmahan (Almaty)
Kapıtany - Olga Dzıýba.
Uldar:
1. Robert Kamınskıı (Almaty)
2. Rodıon Traıgel (Qaraǵandy)
3. Gıorgı Bregvadze (Atyraý)
Kapıtany - Sergeı Kvak.
Azııa chempıonaty Qazaqstan astanasynda besinshi ret ótkeli otyr. Qazaqstandyq qyzdar 2019 jáne 2021 jyldary chempıon atandy. Al uldar 2019 jyly qola júldege ıe bolsa, ótken jyly fınalda Pákistanǵa jol berdi.
Týrnır Qazaqstan tennıs federatsııasynyń prezıdenti Bolat Ótemuratovtyń bastamasy boıynsha uıymdastyrylyp otyr.
Eske sala keteıik, budan buryn Qazaqstan tennıs quramasynyń Devıs kýbogyna daıyndyqty bastaǵanyn jazǵan bolatynbyz.
Sondaı-aqǵ polıak tennısshisi alǵash ret US Open týrnıriniń jeńimpazy atandy .
