Qazaqstandyq jas tennısshiler Úndistandaǵy jarystyń jeńimpazy atandy
ASTANA. QazAqparat – Úndistannyń Kalkýtta qalasynda jastar arasynda ekinshi sanattaǵy ITF Juniors J200 týrnıri máresine jetti, dep habarlaıdy QazAqparat tilshisi.
Qazaqstan tennıs federatsııasynan málim etkenindeı, qazaqstandyqtar Erasyl Erdildá men Vıtalıı Zatsepın juptyq synda úzdik shyqty.
Qazaqstandyq dýet fınalda japonııalyq Satora Nakadjıma – fılıppındik Djoa Reı Poskýany 6:2, 7:5 esebimen utty.
Qyzdar arasynda Asyljan Arystanbekova jekeleı synda shırek fınalǵa deıin jetti. Al Aııa Nupbaımen birge juptyq synda jartylaı fınalda qarsylastaryna ese jiberdi.
Lıtvada 14 jasqa deıingiler arasynda úshinshi sanattaǵy Tennis Europe jarysynda ıAroslav Pshenıchnyı juptyq synda fınalıst atandy. Ol latvııalyq Tomas Dalderıspen birge sońǵy básekede ǵana estonııalyqtar Ken Inka – Lýkas Raýdkıvıge jol berdi – 2:6, 4:6.
Eske sala keteıik, budan buryn Aýstralııa chempıonatynda Elena Rybakınanyń álemniń 1-raketkasyn utyp, shırek fınalǵa shyqqanyn jazǵan edik.
Sondaı-aq Elena Rybakınanyń kelesi qarsylasy anyqtaldy.
Anna Danılına jarys jolynan shyǵyp qaldy.
Elena Rybakına juptyq synda shırek fınalǵa shyǵa almady.
Foto: Qazaqstan tennıs federatsııasy
