Qazaqstandyq jas tennısshiler Ýkraınada ótken jarysta chempıon atandy
NUR-SULTAN. QazAqparat - Qazaqstandyq jas tennısshiler Lvov qalasynda 16 jasqa deıingiler arasynda úshinshi sanattaǵy Galychyna Cup halyqaralyq týrnırinde chempıon atandy, dep habarlaıdy QazAqparat tilshisi.
Qazaqstan tennıs federatsııasy málim etkenindeı, Asyljan Arystanbekova jekeleı synda úzdik shyqty.
Ol fınalda otandasy Aııa Nupbaıdy 7:6 (7:5), 6:2 esebimen utty.
A.Nupbaı esesine juptyq synda Janel Ospanovamen birge sońǵy básekede Asyljan jáne Ádemi Amankeldini 6:2, 6:3 esebimen jeńdi.
Sondaı-aq qazaqstandyqtar Jaqas Qozbaq pen Vıtalıı Zatsepın fınalda ǵana ýkraınalyqtar Vıtalıı Horovoı men Gleb Kovalenkoǵa ese jiberdi - 6:3, 0:6, 4:10.
Taǵy bir qazaqstandyq, 13 jasar Ámir Omarhanov Bakýde 18 jasqa deıingiler arasynda ótken ITF Juniors jarysynda fınalıst atandy. Sońǵy synda ol ázerbaıjandyq Tamerlan Azızovtan utyldy - 3:6, 2:6. Bul onyń osy sanattaǵy alǵashqy fınaly edi.
Eske sala keteıik, budan buryn Anna Danılınanyń Frantsııada ótken týrnırdiń jeńimpazy atanǵanyn, Tımofeı Skatovtyń Kıev jarysynyń fınalyna shyǵa almaǵanyn jazǵan bolatynbyz.
Al Aleksandr Nedovesov Kıevte jeńimpaz atandy.
