Qazaqstandyq jas tennısshiler Túrkııadaǵy týrnırdiń ekinshi aınalymyna shyqty
ASTANA. QazAqparat – Qazaqstandyq jas tennısshiler Antalııa qalasynda (Túrkııa) ótip jatqan ITF World Tennis Tour W15 týrnıriniń ekinshi aınalymyna shyqty, dep habarlaıdy QazAqparat tilshisi.
Qazaqstan tennıs federatsııasynan málim etkenindeı, Janel Rústemova bastapqy kezdesýinde túrkııalyq Leıla Elmazdy oısyrata utty – 6:3, 6:0.
Qazaqstandyq tennısshi ekinshi aınalymda jarystyń 5-raketkasy, reseılik Anna Ýrekemen sheberlik baıqasady.
Taǵy bir qazaqstandyq Arýjan Saǵyndyqova úsh setke sozylǵan tartysty básekede shveıtsarııalyq Katerına Tsygýrovanyń meselin qaıyrdy - 5:7, 7:5, 6:4.
Arýjan shırek fınalǵa shyǵý úshin shvetsııalyq ıÝlııa Lokvıstpen talasady. Ol sonymen qatar juptyq synda da sátti óner kórsetýde. A.Saǵyndyqova taıbeılik ıÝ-ıÝn Lımen birge chehııalyqtar Izabella Henzova – Lýcha Zasterovany 6:2, 7:6 (7:2) esebimen tize búktirip, shırek fınalǵa joldama aldy.
Sandýǵash Kenjebaeva alǵashqy aınalymda jekeleı synda chehııalyq Denısa Hardınkovaǵa ese jiberdi – 1:6, 1:6.
Italııanyń Solarıno qalasynda ótip jatqan dál osyndaı ITF World Tennis Tour W15 dodasynda 15 jasar Zara Dárken negizgi týrnırge ótkenimen, birinshi aınalymda ulybrıtanııalyq Abıgeıl Amosqa jol berdi – 4:6, 3:6.
Eske sala keteıik, budan buryn qazaqstandyq tennısshilerdiń Túrkııadaǵy týrnırdiń shırek fınalyna shyqqanyn jazǵan bolatynbyz.
