Qazaqstandyq jas tennısshiler Ózbekstanda ótken týrnırdiń jeńimpazy atandy
NUR-SULTAN. QazAqparat – Qazaqstandyqtar Asyljan Arystanbekova, Aııa Nupbaı jáne Erasyl Erdilda juptyq synda Ózbekstanda 18 jasqa deıingiler arasynda ótken úshinshi sanattaǵy ITF týrnıriniń jeńimpazy atandy, dep habarlaıdy QazAqparat tilshisi.
Qazaqstan tennıs federatsııasynan málim etkenindeı, A.Arystanbekova men A.Nupbaı fınalda jarystyń 1-raketkalary, qyrǵyzstandyq Vladıslava Andreevskaıa – reseılik Vlada Mınchevany utty – 1:6, 6:4, 10:5.
Osylaısha, A.Arystanbekova men A.Nupbaı ekeýi birge jasóspirimder arasynda ITF jarysynda altynshy tıtýlyna qol jetkizdi.
Jekeleı synda Asyljan fınalǵa deıin jetti. Reseılik Vlada Mınchevamen ótken oıynda birinshi setten keıin A.Arystanbekova azdaǵan jaraqat alyp, bapkerimen aqyldasqannan keıin matchty toqtatýdy jón kórdi. Sóıtip juptyq syndaǵy sońǵy básekege basymdyq berdi.
Bozbalalar arasynda Erasyl Erdilda da juptyq synda chempıon atandy. Ol reseılik Artem Alekseıchýkpen birge fınalda úsh partııaǵa sozylǵan matchta dodanyń 1-raketkalary, ońtústikkoreıalyq Vý Hıýk Chang – úndistandyq ıÝvan Nandaldy tize búktirdi – 4:6, 6:4, 10:6.
Eske sala keteıik, budan buryn Anna Danılınanyń Varshava týrnıriniń fınalyna shyqqanyn , Ýımbldon chempıony Elena Rybakınanyń San-Hose jarysyndaǵy qarsylasy anyqtalǵanyn jazǵan bolatynbyz.
Foto: ktf.kz
