Qazaqstandyq jas tennısshiler Óskemendegi týrnırde tabysty óner kórsetti
ASTANA. QazAqparat – Óskemen qalasynda 18 jasqa deıingiler arasynda úshinshi sanattaǵy ITF Juniors týrnıri máresine jetti, dep habarlaıdy QazAqparat tilshisi.
Qazaqstan tennıs federatsııasynan málim etkenindeı, atalmysh halyqaralyq jarysta qazaqstandyq jastar tabysty óner kórsetti.
Bozbalalar arasynda Іlııas Maratuly fınalǵa deıin jetip, sońǵy básekede reseılik Amırhamza Nasrıdınovke jol berdi – 2:6, 1:6.
Qaraǵandy tennıs mektebiniń túlegi Vıtalıı Zatsepın juptyq synda A.Nasrıdınovpen birge fınalda reseılikter Danıel Hazıme – Oleg Kolnınovti 6:1, 6:4 esebimen utyp, jeńimpaz atandy.
Qyzdar arasynda almatylyq Іńkár Dúısebaı reseılik Krıstına Sıdorovamen birge fınalda qazaqstandyqtar Ádemi Amankeldi – Satı Áýbákirovany 7:5, 7:6 (7:0) esebimen qapy qaldyryp, jeńis tuǵyryna kóterildi. Іńkár jekeleı synda jartylaı fınalǵa deıin jetti.
Eske sala keteıik, budan buryn ataqty tennısshi Bıllı Djın Kıngtiń Qazaqstan quramasymen kezdeskenin jazǵan bolatynbyz.
